പ്രണയ നൊമ്പരം

 

മഴ എന്നെ പ്രണയിക്കാന്‍ 

പ്രേരിപ്പിച്ചു 

പ്രത്യാശയുടെ ചിലന്തിവലകള്‍ 

നെയ്തു നീങ്ങുമ്പോല്‍ 

ആദ്യ പ്രണയം തേടി ഞാനും 

വീട്  വിട്ടിറങ്ങി.

മനസ്സ് കാര്‍മേഘം മൂടിയപോല്‍

ഇന്ന് പെയ്തൊരാ മഴയില്‍ 

മൂടിക്കെട്ടിയ എന്‍റെ മനസ്സും 

അതിലെ കുഞ്ഞു വേദനകളും 

പൊഴിഞ്ഞു തീര്‍ന്നു .

മഴ വീണു നനഞ്ഞ വഴിയെ 

ഞാന്‍ അവളെ തേടി നടന്നു 

ദൂരം ഏറെ പിന്നിട്ടു 

മഴ തോര്‍ന്നു ,വെയില്‍ വന്നു 

പിന്നെയും ഒരു മഴക്കാലം 

ഞാന്‍ നടന്ന വഴികളെല്ലാം 

തിരികെ നടന്നു എന്‍ കണ്‍ -

കോണില്‍ അവളുടെ രൂപം മാത്രം തെളിഞ്ഞില്ല .

ഇടവിട്ട്‌ പെയ്തും തോര്‍ന്നും

ഈ മഴക്കാലവും തീര്‍ന്നു .

എന്‍റെ നഷ്ട സ്വപ്നമേ .