പ്രണയം

ഈ മഴ പെയ്തിറങ്ങിയ 

രാത്രി പോലെ 

തിരകള്‍ കരയെ പുണര്‍ന്ന

സന്ധ്യ പോലെ

എന്‍റെ പ്രണയം. 

മഴ ചുമ്പിച്ച മണ്ണിന്‍റെ

സുഗന്ധം പോലെ 

തിര പുണര്‍ന്ന കരയുടെ 

കുളിര്‍ പോലെ 

എന്‍റെ പ്രണയം. 

മൊഴികള്‍ മറവിയുടെ 

മറപറ്റാത്ത പ്രണയം 

ഓര്‍മ്മയില്‍ മറഞ്ഞ 

രസമുള്ള പങ്കു വെക്കല്‍ 

തിരികെ വന്നണയാന്‍ 

കൊതിക്കുന്ന പ്രണയം.

നിന്‍റെ പ്രണയം എനിക്ക് 

കിട്ടാകനിപോലെ.

നഷ്ട്ട സ്വപ്നമായ് 

പറന്നകന്ന പ്രണയം .

നെല്ലിക്ക

മുറ്റത്തെ നെല്ലി മരം
പൂത്തു,
ഓരോ പകലും
ഈ ജനലഴികള്‍ പിടിച്ച്
നെല്ലിമര ചില്ലയില്‍
കണ്ണെറിഞ്ഞു നിന്നു
കായ് കായ്ക്കുന്ന
പകലും നോക്കി.
രാവിലും ആ ചില്ലകളില്‍
എന്‍റെ നോട്ടം വീണു
കുഞ്ഞു താരകങ്ങള്‍
കുമിളകള്‍ പോലെ
പൂത്ത കാഴ്ചയും കണ്ട്
ഇന്നൊരു പകല്‍
ആ നെല്ലി മരം

ഓര്‍മ്മയായിരിക്കുന്നു
ഒരു പകലില്‍ എനിക്ക്
ആ മരം നഷ്ട്ട സ്വപ്നമായ് 

കോടാലി ചുണ്ടുകൊണ്ട്
വെട്ടി മലര്‍ത്തി
ഈര്‍ച്ച വാളുകള്‍ കൊണ്ട്
മുറിച്ചു നീക്കുമ്പോള്‍
എന്‍റെ ഹൃദയം
പൊട്ടിയൊലിച്ചു
കണ്ണുനീര്‍ തുള്ളികളായ്.

മത്സരിക്കാനായ്‌ ജനിച്ചു

ഇന്നലെകളില്‍ മണ്മറഞ്ഞ 

പൂര്‍വിക ജന്മങ്ങള്‍ 

എന്നോട് പറഞ്ഞു ജനിക്കുക 

മത്സരിക്കനായ് 

നീ നിന്നോട് തന്നെ മത്സരിച്ചു 

ജയിക്കുക .

എന്‍റെ രാത്രികളില്‍ 

എന്‍റെ സ്വപ്നങ്ങളില്‍ 

മുന്നേറാന്‍ അവര്‍ പറഞ്ഞു 

നിശ്ചയ ധാര്‍ട്യത്തോടെ ഈ 

ഭൂമിയില്‍ നടന്നു നീങ്ങുക 

പരാജയ ഭീതിയുടെ 

നശിച്ച ശരങ്ങളെ കീഴ്പെടുത്തി 

യുവത്വം ചോരചിതറുന്ന 

നേരിന്, തണലായ്‌ 

ജനിക്കുക. 

ഒരിക്കല്‍ക്കൂടി 

മത്സരിക്കാനായ്‌ 

വിജയിക്കനായ്, നിന്നോട് .